घाम सेलाएपछि ।
फुटपाथमा बग्रेल्ति खुट्टाहरु निस्किएका छन् ।
प्ल्याटनसका पातहरु
घोटिएर निस्कने खस्रो अावाजमा,
शहरको प्रारुप खिचिएको छ ।
म खण्ड खण्डमा बिसाउँछु अाखाँहरु ।
टिम मोरिसनको झल्को दिने समझदार केटाले
मल्टिन्यास्नल कम्पनिका स्याम्पल कफि
मेरो पोल्टामा फ्याँकेर हिडिसक्यो ।
कफिको स्याम्पल प्याकेट
डफल ब्यागमा घुसाउँछु ।
थाहै नदिई म यो शहरमा माग्ने गर्छु ।
तर,
म कसैलाई सुनाउँदिन
आफ्नो डेराको पङखाको अारपिएम ।
साँझ रातमा अनुदिन हुँदै गर्दा ।
फुटपाथ लुगलुगाउँछ निर्जनताले ।
म ग्वाम्लाङ्ग अंगालो हाल्छु ।
यध्दपि उसलाई थाहि छ भोलि बिहानै घाम लाग्छ ।
उसैले मलाई सिकाएको छ ।
पिज्जाहट र म्यागडोनल्सको पंत्तिमा उभिन ।
उसको नाम स्यालोट हो ।
उ अाफ्नो कुकुरको परिचय दिन्छ ।
छाति छोप्न नचाहाने युवतिहरु ।
स्यालोटको निधार मुसार्छन् ।
उभ्रेको सेन्ट मेरो रुमाल मा झार्छन र जानछन् ।
म उनिहरु संगै पिज्जाहट र म्यागडोनल्सको
कतारमा उभिन्छु ।
स्यालोट म संगै उँग्दै हुन्छ।
मलाई संकोचबाट बचाउँदै ।
भरे,
म उसलाई तिनै केहि संग प्रेममा परेको नाटक गर्छु ।
स्यालोट निदाएपछि म फुटपाथलाई कथा भन्छु ।
म निदाएको बेला ।
मलाई थाहा छ ।
प्याल्टनसका पातहरु म तिरै फर्कन्छन् ।
0 Comments